طبعاً بما اني السنه الي طافت تخرجة من المتوسط !! فهاذي تعتبر اول سنه لي بالثانوي .. وانا حبيت انقل لكم شعوري والي شفته بأول يوم ..
يلا نبلش .. بسم الله ..
طبعا ًباجر كان مدارس انا اليوم قررت اي ثانويه بروح .. وصار الاختيار حق ثانوية " طليطله "الي بمنطقتنا مع بنت خالتي العزيزه زنوبه << اخت mala.da3e>>
وطلع قرار ان زنوبه راح تمرني الصبح وروح وياها المدرسه لاني ماعرف شي بالمدرسه ..
يوم الاحد الصبح تقريبا ساعه 7 قعدة .. لبسة لبسي اليديد .. وقاعده اطالع روحي بالمنظره واقوول ايييه يمريم كبرنا والله :P
المهم بعد التفلسف علي راس خواني :p
رحت المدرسه مع زنوبه .. وابوها كان قاعد ينصحنا وجذي من هل سوالف .. بس في كلمه قاله حيل حيل حييييييل عجبتني يوم قال "مشكلتكم انكم بنات بهل مجتمع "!! ايي والله صدقت ياعمي ..
المهم وصلنا المدرسه ونزلنا من السياره وانا لازقه يم زنوب وقلبي يرقع حدي مخترعه .. معذووره من بعد الاشياء الي سمعتها عن المدرسه .!!
دشينا المدرسه .. البنيان كان لا بأس فيه بس الي صج صج صج صدمني البنات !! طبعا ً ماله داعي اقول ان من عند الباب كانو يفصخون حجاباتهم .. بس اشكالهم كانت مو صجج امبي والله جنهم مخلوقات غريبه !!
اتوقع الكل لاحظ اني كنت متنحه بشكل مو طبيعي .. ماعلينا رحت شفت اسمي بالكشف ولا حاطيني بصف 10 \1 والبنات الي كانو وياي مو كلهم اعرفه بس زين ان رفيجتي دلول كانت وياي الحمدلله يعني ..
بعدها شفت رفيجاتي سلمت عليهم وشلونكم شخباركم ومن هذا القبيل ..
بعدين زنوب الله يعافيها دلتني علي صفي و راوتني مرافق المدرسه .. تصدون ان ماعندنا ساحه خلفيه . صاكينها مادري ليش !!
ترررررررن طق جرس الطابور رحنا انا و زنوب ساحة العلم.. وبعد نص ساعه يلا صفو .. الابله المصريه مالت الالعاب مشتطه وشاده حيلها يلا يا بنات صفو و اقفو ومادري شنو والبنات ولا على البال ..
والي يقارن بين هل ابله والناظره الي يمها يقول الابله اهيا الناظره ..
خلص الطابور واكتشفت ان صفي كله عقددددددددددددددددددددد @@ << معلومه سريعه عني : نوعين من الناس ماحبهم واتمنى انهم يختفون العقد والصعايده >>
فانا حدي كنت متحبطه :_(
طبعا بعد الحصص عرفت ابلاتي والحمدلله انهم كلهم زينين .. حبيتهم كلهم خاصه ابلة الاحياء ..
نقاط مهمه :
- مسلسل مريم تنح بويه البنات مستمر إلى لحظة كتابة هل سطور :p
- بويات مدرستنا في تكاثر مستمر << يخرعوون والله :( - كتبنا وااايد وتعور الظهر .. - لغو عندنا مادة الدستور مع الاسف .. - مريم ترد البيت وتنااام بعد ان حااااشه تعب شدييييد من المدرسه .. - مريم تكتشف انها من ال10 الأوائل بالصف >> احم احم :P
- الفيزيا والكيما اسهل من الي توقعته ..
- مريم بدون زينب سلطه !!
والحين اخليكم مع اقتباس من خطاب وكيلتنا الموقره :P
" بنات ممنوع تفصخون الحجاب بالمدرسه ..!! بس إذا فصختو حطو على جتفكم عشان إذا شفتو ريال تلبسونه !! ""
تم بحمد الله ..
6 comments:
fdayt oboy walla =Pp
ee yala 3ad shday 7elch bdrsa o malch sh'3el blbnat o ashkalhom o swalfhom
aham shay drastch
maryo0ma
kl 3am o antay b5eeeeeeer
7abebti wallah antai ;**
eee 9dgtay ya bnt 5alti ;p
هـااااااا ؟؟
الـفـيـزيـا سـهـل ؟! يـصـيـر خـيـر
عيدج مبارك
وكل عام وانت بالف خير
:))
البيرق :
:S klsh ma5r3tni ..!
wallah ana 7ta al2an asho0fa s`hl bs allah ystr mn alyay .. 3la klamk hatha :p
صبا:
ayamch sa3eeda ^_^
o0 antai b97a o0 salama ..
nono0owa: ana kint adriis fiiha el.madrsa 7adha ma95ara bas el.7mdiila ene t5arajt menha el.3am 2009 alla ywaf8koom enshalla;)
Post a Comment